Уопсастыба

Владимир Путин оскуола тутуутун уонна өрөмүөнүн туһунан

Саҥа оскуола, уһуйаан тутуллара ханна да улахан сэргэхсийиини таһаарар. Быһа биэрии кэмигэр РФ Бэрэсидьиэнэ Владимир Путиҥҥа Приморье кыраайыттан Воздвиженка сэлиэнньэтиттэн тахсан оскуола тутуутун туруорустулар. Былырыыҥҥы үөрэх дьылыгар кыһаларын биир куопуһугар истиэнэ сууллубутун эттилэр.

Дойду Бэрэсидьиэнэ Владимир Путин кинилэр туруорсууларын истэн баран маннык хоруйдаата:

— Арассыыйаҕа 40 тыһыынча кэриҥэ оскуола баар.  Итинтэн сорохторо хаарбах, саахалланар туруктаахтар. Биллэн турар, итинник оскуолалар ирдэбилгэ эппиэттиир гына оҥоһуллуохтаахтар, саҥа оскуолалар тутуллуохтарын наада. Маныаха дойдуга 1300 оскуола тутуллара наада. Эһиги оскуолаҕыт хаарбах туруктааҕынан, биллэн турар саҥаны тутар ирдэнэр.

Арассыыйаҕа быһа холуйан 60 % оскуола  өрөмүөҥҥэ, 10 %  хапытаалынай өрөмүөҥҥэ наадыйар. Манна барытыгар үп-харчы былааннаммыта. Эрэгийиэн салалтатын кытары сибээстэһиэхпит», — диэтэ Владимир Путин.

0
0