Финляндия уонна Швеция НАТО-ҕа киирээри бэлэмнэнэр. Бу туһунан санаатын РФ бэрэсидьиэнэ Владимир Путин бэҕэһээ пресс-конференция кэмигэр эттэ.
– Ол иһин биһиги дойдубутугар куттал суоһаабатын бары өттүнэн хааччыйыахтаахпыт, бэйэбит интэриэспитин көмүскүөхтээхпит. Кинилэр бэйэлэрин диэки төһө кыалларынан элбэх дойдуну тардалларыгар туораттан утары турааччы наада. Иран бу чааһыгар барсыбат, оттон Арассыыйа, кинилэр санааларынан, барсар. Финляндия уонна Швеция НАТО-ҕа киирэрэ улахан оруолу оонньообот. Украина НАТО-ҕа киирэрин курдук буолбатах. Бу икки тус-туһунан өйдөбүллэр. Кинилэр итини эмиэ сүрдээх үчүгэйдик өйдүүллэр. Онон саҥа үйэҕэ бэйэлэрин диэки биир санаалаах дойдуларын тардалларыгар кыаҕы биэрдибит. Арассыыйаҕа ити сонун буолбатах, биһиги мантан өссө төгүл итэҕэйдибит, НАТО араас хааччаҕы киллэриитэ – бу ааспыт үйэ үлтүркэйдэрэ, “тымныы сэрии” сорҕото буоларын, – диэн бэлиэтиир Владимир Владимирович.
Санатан эттэххэ, бэҕэһээ Мадридка буолбут саммикка НАТО саҥа концепция ылыммыта, онно Арассыыйаны сүрүн кутталы үөскэтэр дойду быһыытынан бэлиэтээбитэ.
Аграфена КУЗЬМИНА