Владимир Путин «Muus uSTAR» бэстибээл кыттыылаахтарыгар эҕэрдэтин тиэртэ

Бөлөххө киир:

РФ бэрэсидьиэнэ Владимир Путин «Muus uSTAR» бэстибээл кыттыылаахтарыгар эҕэрдэтин тиэртэ. Кини эҕэрдэтин тэрээһин үөрүүлээх арыллыытыгар ааҕан иһитиннэрдилэр.

Владимир Владимирович «Muus uSTAR» бэстибээл саҥа, сонун, чаҕылхай бырайыак буоларын бэлиэтээтэ.

«Саха сиригэр саҥа, сонун, чаҕылхай бэстибээл саҕаламмытыттан олус үөрдүм. Бэстибээл ураты киэптээхтик ыытыллан эрэр. Маастар-кылаастар, кэпсэтиилэр, күрэстэр ыччат айар үлэтигэр, идэтигэр, успуорка, урбааҥҥа уонна да атын эйгэҕэ бэйэни ааттатарга саҥа кыахтары биэриэхтэрэ», — диэн бэрэсидьиэн эҕэрдэтин тиэртэ.

Итиэннэ дойду бэрэсидьиэнэ бэстибээл кыттааччыларга Саха сирин норуоттарын култуураларын, үгэстэрин кытта билсэллэр диэн бэлиэтээбит.

«Бэстибээл ситиһиилээхтик ааһыа диэн эрэнэбин. Бу былаһааккаларга сонун санаалардаах ыччат дьоһуннаах кэпсэтиилэрэ тахсыаҕа. Манна кыттыы үгүс уопуту уонна киэҥ билиини биэрэрин саарбахтаабаппын», — диэн, Владимир Путин бары үтүөнү баҕарда.

Бэстибээл бүгүн, кулун тутар 27 күнүгэр, Дьокуускайга ыытылла турар. Тэрийээччилэринэн «Синергия» корпорация уонна Саха сирин Бырабыыталыстыбата буолаллар. Генеральнай партнер – «Эльгуголь». Сиһилии: Muusustar.ru.

edersaas.ru

Андрей Сорокин хаартыската, СИА.

+1
0
+1
0
+1
0
+1
0
+1
0
+1
0
+1
0