Сүрүн Уопсастыба

Владимир Путин «Биир ньыгыл Арассыыйа» этиитин өйөөн, миэдиктэргэ эбии төлөбүрү икки бүк үрдэтэр туһунан сорудахтаата

Дойду Бэрэсидьиэнэ Владимир Путин Саҥа дьыл бырааһынньыгын күннэригэр коронавирус дьаҥын бохсор миэдиктэргэ эбии төлөбүрү икки бүк үрдэтэр туһунан сорудахтаата диэн ТАСС иһитиннэрэр.

Бэрэсидьиэн бу туһунан Судаарыстыбаннай сэбиэт уонна Стратегическэй сайдыыга, национальнай бырайыактарга сэбиэт мунньаҕар иһитиннэрдэ.

Судаарыстыба баһылыга бырааһынньык күҥҥэ үлэлээбиттэр икки бүк хамнаһы ылалларын, ол иһигэр быраастар эмиэ киирэллэрин санатта. Ол эрээри, Үлэ кодексатыгар коронавирус дьаҥын бохсор миэдиктэр эбии төлөбүр ылаллар диэн киирбэтэх.

«Онон сибээстээн, саатар Саҥа дьыл бырааһынньыгын күннэригэр социальнай төлөбүрү икки бүк төлүөххэ наада», — диэн эттэ.

edersaas.ru

РИА хаартыската.

0
0

Добавить комментарий