Владимир Путин: «Өлүөнэ эбэни туоруур муоста ороскуота улахан эрээри, быһаарыллыан наада»

Арассыыйа бэрэсидьиэнин кытта быһа биэриигэ дьон чунуобунньуктар, миниистирдэр хамнастарын боростуой дьон хамнаһын кытта тэҥнииргэ Владимир Путиҥҥа этии киллэрдилэр.

Онуоха бэрэсидьиэн оччотугар салайар эргимтэ дьоно бары урбааҥҥа барыахтарын, эбэтэр омук сиригэр тахсыахтарын эттэ. «Онон боростуой дьон хамнаһа үрдүүрүн ситиһиэхпит. Хас биирдии киһи тус квалификациятыгар, кыаҕыгар эппиэттэһэр хамнастаныахтаах»,- диэтэ Путин.
Саха сиригэр Өлүөнэ эбэни туоруур муоста тутуутун эмиэ таарыйда. Бастатан туран, бу бырайыак ороскуотун сатаан саппатын, улахан ночооттооҕун бэлиэтээтэ. «Ол да буоллар, РФ уонна өрөспүүбүлүкэ бырабыыталыстыбата куорат салгыы сайдарын туһугар болҕомтотун уурар. Онон Өлүөнэ эбэни туоруур муоста тутуута уһаабакка-кэҥээбэккэ түргэнник быһаарыллыахтаах»,- диэтэ Владимир Путин.
Дьокуускайга Өлүөнэ эбэни туоруур муоста тутулуннаҕына, үс федеральнай суол («Лена», «Бүлүү», «Халыма» ) быһа охсуһуохтаахтар. Итиэннэ өрүс пуорда, тимир суол ыстаансыйата уонна аэропорт төгүрүк сыл тырааныспар сырыытынан хааччыллыа этилэр.

Марианна ТЫРТЫКОВА, «Саха сирэ» хаһыат, edersaas.ru

Хаартыска: интэриниэттэн