Бэлиитикэ Тыа хаһаайыстыбата

Владимир Путин: «Килиимэт уларыйыытынан мелиорацияҕа болҕомтону күүһүрдүөхпүт»

Дойду Баһылыга быһа биэриигэ нэһилиэнньэ ыйытыытыгар хоруйдууругар тыын суолталаах боппуруостар кэккэлэригэр тыа хаһаайыстыбатын эйгэтэ эмиэ таарылынна.

edersaas.ru

— Тыа хаһаайыстыбата дойду ас-үөл өттүнэн куттала суох буолуутун хааччыйар стратегическай саала буолар. Өйөбүл көдьүүһэ көстөн эрэр, үлэ-хамнас көрдөрүүтэ тупсарыллар, табаары оҥоруу үрдүүр. Көтөр уонна сибиинньэ этинэн толору хааччынабыт, оттон оҕуруот аһыгар уонна фруктаҕа боппуруос быһаарылла илик. Ааспыт сыл түмүгүнэн тыа хаһаайыстыбата экспортка 30 млрд доллар суумалаах табаары батарда, өтөрүнэн маннык көрдөрүү ситиһиллэ илигэ. Кэлэр да өттүгэр тыа хаһаайыстыбатын, тыа сирин кэлим сайыннарыыга, племенной-сэлиэксийэлиир үлэҕэ, сиртэн үүнээйини ылыыга өйөбүл баар буолуо. Итиэннэ килиимэт уларыйыытынан мелиорацияҕа болҕомтону күүһүрдүөхпүт, – диэтэ Владимир Путин.

Раиса Сибирякова, «Саха сирэ» хаһыат,  edersaas.ru

0
0