Владимир Путин харантыыҥҥа барда

Бөлөххө киир:

Дойду бэрэсидьиэнэ Владимир Путин ковидынан ыалдьыбыт дьону кытары хантаактаста. Онон “баҕар, бэйэни хааччахтаныы эрэсиимигэр олоруом” диэн кини эттэ.

Владимир Путины кытары үлэлиир, чугастык алтыһар дьоно ыалдьыбыттар. Биир үлэһитэ саас быһыыны ылбыт эбит, аҕыйах хонуктааҕыта хос ылбыт уонна «антитела» титра намыһах буолан, ыалдьыбыт. Бу киһи бу иннинэ бэрэсидьиэни кытары ыкса алтыһан, күнү быһа үлэлээбит эбит.

Миэхэ антитела титра үрдүк, ол эрээри, көрүөхпүт, дьиҥ олоххо хайдах буолар? Бу түбэлтэ “Спутник V” быһыы хайдах үлэлиирин көрдөрүө, эксперимент курдук буолуо, — диэн Владимир Путин “Биир ньыгыл Арассыыйа” баартыйа мунньаҕар олорон, эттэ.

Онон, бэрэсидьиэн бэйэни хааччахтаныы эрэсиимигэр көһөн, Таджикистаҥҥа барар сырыытын тохтотто. Пресс-сэкиритээрэ Дмитрий Песков этэринэн, бэрэсидьиэн доруобай, анаалыһа үчүгэй, видеокэмпириэнсийэ көрүҥүнэн үлэлиирин тохтоппот.

Ангелина Васильева, “Саха сирэ” хаһыат, edersaas.ru

Хаартыска: lenta.ru

+1
0
+1
0
+1
0
+1
0
+1
0
+1
0
+1
0