Владимир Путин: «Биир да ыйытыы, этии таах хаалбат»

Ааптар: 
Бөлөххө киир:

Бэрэсидьиэн Владимир Путин быһа биэриигэ нэһилиэнньэттэн киирэр ыйытыылар, этиилэр таах хаалбаттарын эттэ.

edersaas.ru

2019 сыллаах быһа биэриигэ биир мөлүйүөн ыйытыы, этии киирбитин, онтон 500 тыһыынчатыгар быһаары ылылынна, атыттарыгар үлэ бара сылдьар диэтэ.

Нэһилиэнньэ этиилэрин учуоттуурга нормативнай баазаҕа уларытыы киириэн, эрэгийиэн бүддьүөтүгэр, ону ааһан федерация бүддьүөтүгэр бу боппуруостары быһаарыы киллэриллиэн наада, онон бу улахан үлэ,– диэн быһаарда Владимир Путин.

Бу хамсааһын дьоҥҥо көмөлөһөр туһугар олохтоох дьаһалтары кытары бииргэ үлэлиир Бүтүн Арассыыйатааҕы норуот фронун, араас уопсастыбаннай тэрилтэлэр көхтөөх кыттыылара, көмөлөрө суох кыаллыбатын бэлиэтээтэ. Кинилэргэ махтал тылларын анаата. Быһа биэрии тэрээһинигэр эмиэ Бүтүн Арассыыйатааҕы норуот фронун чилиэннэрэ волонтердуу сылдьалларын эттэ. Ол курудк, нэһилиэнньэттэн киирэр ыйытыылары хомуйар кииҥҥэ кинилэр кэлиҥҥи уон күҥҥэ тиргиччи үлэлээбиттэригэр махтанна.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0