Владимир Путин байыаннай эпэрээссийэ кыттыылаахтарыгар бэтэрээн статуһун иҥэрдэ

Украинаҕа уонна Донбасска буола турар байыаннай эпэрээссийэҕэ кыттар дьон бойобуой дьайыылар бэтэрээнин статуһун ылыаҕа. Ыйаахха РФ бэрэсидьиэнэ Владимир Путин илии баттаата. Бу туһунан «Российская газета» саайт иһитиннэрэр.

Бойобуой дьайыылар бэтэрээннэрин аатын Украинаҕа, Донецкай уонна Луганскай норуодунай өрөспүүбүлүкэлэргэ буола турар байыаннай эпэрээссийэлэргэ кыттар байыаннай сулууспалаахтар, быраабы араҥаччылыыр уонна силовой структура үлэһиттэрэ ылыахтара. Бу дьон туох баар социальнай өйөбүлүнэн, чэпчэтиилэринэн туһаныахтара. Манан билигин Сирия, Афганистан уонна атын «итии туочукалар» байыаннай эпэрээссийэлэрин бэтэрээннэрэ туһаналлар.

ТАСС хаартыската.