Кыайыы Сүрүн Уопсастыба

Владимир Путин Алдан куоракка бочуоттаах ааты иҥэрдэ

Дойду Бэрэсидьиэнэ Владимир Путин “Победа” Арассыыйатааҕы тэрийэр кэмитиэтин мунньаҕын видео кэмпириэнсийэ эрэсиимигэр ыытта. Бу тэрээһин кэмигэр кини бочуоттаах ааты ылбыт куораттары ааттаталаата. Испииһэккэ Саха сирин куората — Алдан ааттанна.

Алдан куорат үлэҕэ ситиһиилэринэн биллэр. Саха сиригэр кыһыл көмүс үс гыммыт биирэ, сүлүүдэ 80% хостоммута” — диэн эттэ Владимир Путин. Дойдубут баһылыга сотору кэм иһигэр Саха сирин Алдан куоратыгар “Город трудовой доблести” үрдүк ааты иҥэрэр туһунан ыйаахха илии баттыырын эттэ.

Ил Дархан Айсен Николаев бу үөрүүлээх сонунунан Саха сирин олохтоохторун эҕэрдэлээн Инстаграмыгар суруйда:

Доҕоттор, дойдубут Бэрэсидьиэнэ Владимир Путин Алдан куоракка “Город трудовой доблести” үрдүк ааты иҥэрэр туһунан Ыйаахха илии баттыырын иһитиннэрбитин туһунан үөрэн туран биллэриэхпин баҕарабын!

Алдан уоттаах сэрии кэмигэр үлэҕэ ситиһиилэрэ бу үрдүк ааты иҥэрэргэ олуһун сөп түбэһэллэр. Алдан горняктара сэрии сылларыгар 16 туонна кыһыл көмүһү, атын араас туһалаах сир баайдарын хостоон туттарбыттара. Ийэ дойдуну көмүскүү 11740 Алдан олохтооҕо фроҥҥа барбыта, сэттэ киһи Сэбиэскэй Сойуус Дьоруойун аатын сүкпүттэрэ…”

Хаартыска nikolaev_aisen Инстаграмтан

0
0