Владимир Путин: «Хас биирдии киһи дохуоттаах буоларын ситиһиэхтээхпит»

РФ бэрэсидьиэнэ Владимир Путин Анал этиитигэр киһи дохуоттаах буолуута, үчүгэй төлөбүрдээх үлэ миэстэтин таһаарыы сүрүн сорук буоларын иһитиннэрдэ.

“Инники күөҥҥэ тутар боппуруостарбытыттан нэһилиэнньэ дохуоттаах буолуута — сүрүннэрэ. 2000 сылларга 42 мөлүйүөнтэн тахса киһи дьадаҥытык олорор буоллаҕына (ити нэһилиэнньэ 30 % ылар), уонча сыл иһигэр 10 % кыччаппыппыт. Билигин экономическэй кириисис кэмигэр эмиэ үрдээтэ, 20 мөлүйүөн киһи буолла. Хамнас алын кээмэйин тиийинэн олоруу алын кээмэйигэр тэҥнээтибит. Бу нуорма быйыл ыам ыйыттан саҕалаан барытыгар киириэҕэ. Ити 4 мөлүйүөн киһи дохуотун үрдэтэригэр кыах биэриэҕэ. Дьарыктаах буолуу структуратын саҥардыахпытын наада. Үчүгэй төлөбүрдээх үлэ миэстэтин элбэтии соруга турар”, — диэн бэлиэтиир Владимир Путин.

Аграфена КУЗЬМИНА, “Саха сирэ” хаһыат, edersaas.ru