Аллараа Бэстээххэ баар «Коммунтеплосервис» тэрилтэ дириэктэрэ, 1993-1995 СӨ бырабыыталыстыбатын бэрэссэдээтэлин солбуйааччы, Үп миниистирэ Владимир Ильич Птицын Өлүөнэ өрүс муостатын тутуу туhунан маннык эттэ:
— Муоста тутуллуутун туhунан кэпсэтии барбыта ыраатта. Ол гынан баран, дьэ бу кэнники сылларга хамсааhын буолла. Муоста тимир суола суох, массыына эрэ суоллаах буолара сөптөөх быhаарыы дии саныыбын. Сорох нэһилиэктэргэ Табаҕанан, Хаптаҕайынан эргийэн барар уустуктардаах буолуо, онон паром сырыытын салгыы да тупсарыахха наада. Муоста тутуллуутугар Өлүөнэ өрүс майгыта учуоттаныллыахтаах. Муус харыытын өйдөөн туран, быhыттар хайаан да аhаҕастардаах буолуохтаахтар. Муоста айылҕаны кытта «доҕордоhон» тутуллуохтаах.
Нюргуяна Иванова, edersaas.ru
+1
+1
+1
+1
+1
+1
+1