Култуура Сүрүн

Владимир Мункуев «Кинотавр» бэстибээл бастыҥ режиссерунан ааттанна

Сочига 32-с төгүлүн ыытыллар «Кинотавр» бэстибээл түмүктэннэ. «Нуучча» киинэни устубут биир дойдулаахпыт Владимир Мункуев «Бастыҥ режиссер» номинацияҕа кыайыылаах таҕыста. 

«Мин бары кинематографистарга этиэм этэ: куттаныамыахха», — диэн Владимир Мункуев сыанаттан эттэ, хамаандатыгар уонна киниэхэ эрэммит, бырайыагын өйөөбүт дьоҥҥо махтанна.

«Нуучча» киинэ сыылынай Вацлав Серошевскай «Хайлак» арамаанын сүнньүнэн уһуллубута.

Оттон бэстибээл бастыҥ киинэтинэн Николай Хомерики «Море волнуется раз» киинэтэ ааттанна.

Хаартыска — kinotavrfestival

1
0
Telegram @edersaas20