Владимир Леонов: «Буруо Томпо улууһуттан кэллэ»...
· - Олох-дьаһах

Владимир Леонов: «Буруо Томпо улууһуттан кэллэ»

Атырдьах ыйын 1 күнүгэр, «Авиалесоохрана» салайааччыта Владимир Леонов иһитиннэрбитинэн, Дьокуускайга Томпо улууһугар күөдьүйбүт ойуур баһаардарын буруота кэлбит.

edersaas.ru

«Бу Алдан өрүс уҥуоргу өттүгэр умайа турар ойуур баһаардарыттан кэлбит буруо. Бу баһаардар Томпо оройуонугар Алдан өрүһү уһаты, хайалаах сирдэргэ күөдьүйбүттэр. Дьокуускайга буруону хотугу тыал аҕалар», — диэтэ Владимир Сергеевич.

Кини бүгүҥҥү күҥҥэ Саха сиригэр барыта 18 ойуур баһаара турбутун туһунан эттэ. 140 гектар иэннээх үс ойуур баһаарын умуруоруу үлэтэ Горнай, Уус Алдан, Нам улуустарыгар ыытылла турарын иһитиннэрдэ.

Егор Карпов, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

5 + 11 =