Уопсастыба

Владимир Ларионов пааматынньыгар сибэкки уурдулар

Судаарыстыбаннас күнүгэр Владимир Ларионов пааматынньыгар сибэкки дьөрбөтүн уурдулар.

Бүгүн, балаҕан ыйын 27 күнүгэр, Судаарыстыбаннас күнүгэр СӨ Үөрэҕин уонна наукатын миниистирэ Михаил Сивцев биллиллээх учуонай, техническэй наука дуоктара, Арассыыйа академиятын бастакы академигар Владимир Ларионов пааматынньыгар сибэкки дьөрбөтүн уурда.

Владимир Петрович Ларионов бэйэтин үлэтин Наука акадьыамыйатын Сибиирдээҕи салаатыгар лабараанынан саҕалаабыта. Онтон Уһук хоту тымныыны уйар тимир конструкциялар уонна массыыналар бөлөхтөрүн салайааччытынан үлэлээбитэ.

Кини Наука академиятын Сибиирдээҕи салаатын Саха сиринээҕи отделениетыгар тымныыны уйар сыбаарка лабораториятын төрүттээбитэ. Кини өҥөтүнэн 1970 сыллаахха техническэй хайысхалаах саамай хотугу научнай-чинчийэр академическэй институт – физико-техническэй Институт төрүттэммитэ. Владмиир Ларионов – Саха АССР наукатын үтүөлээх деятелэ, СӨ бочуоттаах олохтооҕо.

Ол курдук сибэкки ууруу кэмигэр Ил Түмэн бастайааннай кэмитиэтин дьиэ кэргэн уонна оҕо дьыалаларын бэрэссэдээтэлэ Алена Атласова,Наука Академиятын бэрэсэдьиэнэ Василий Филиппов уонна СӨ дьаһалтатын бэрэстэбиитэллэрэ кыттыыны ыллылар.

Ульяна ЗАХАРОВА.

0
0