Саха сирин тустууга оскуолатын иитиллээччитэ, билигин Македония сүүмэрдэммит хамаандатын чилиэнэ Владимир Егоров бу күннэргэ Будапештка буола турар көҥүл тустууга Европа чөмпүйэнээтин кыайыылааҕа буолла.
57 киилэҕэ диэри ыйааһыҥҥа Владимир Егоров финалга Азербайджан бөҕөһүн Алиаббас Рзазадены эрэллээхтик уонна итэҕэтиилээхтик кыайда.
Кинини бу өрөгөйдөөх кыайыытынан Саха сирин Ил Дархана Айсен Николаев «Телеграм» нөҥүө эҕэрдэлээтэ:
— Саха сирэ бу кыайыыны 34 сыл күүппүтэ. Бүгүн ону биһиги ыллыбыт! Володя, эн биһиги киэн туттуубут буолаҕын! Уруй-айхал Саха сирин тустуугар!
+1
+1
+1
+1
+1
+1
+1