Саха тустууга оскуолатын иитиллээччитэ Владимир Егоров ыам ыйын 3 күнүттэн Каспийскай куоракка ыытыллар көҥүл тустууга Европа чөмпүйэнээтигэр кыайан кыттыбат буолла. Онно кини Македония аатыттан 57 киилэҕэ диэри ыйааһыҥҥа тустуохтааҕа.
edersaas.ru
Амма ыччата Хасавюртка эрчиллии кэмигэр эчэйии ылбыт. Доруобуйатыгар улахан куттал суох эрээри, моонньун силгэтин ууннаран, тустартан туттунан эрэргэ күһэллибит.
Онон Европа быйылгы чөмпүйэнээтигэр икки уолбут кыттар буолла. Каспийскай көбүөрүгэр Белоруссия хамаандатыттан аан дойду, Европа призера Владислав Андреев (57 кг) уонна “Иван Ярыгин”, “Тахти Кубога” турнирдар кыайыылаахтара, норуоттар икки ардыларынааҕы кылаастаах спорт маастара Ньургун Скрябин (61 кг) тахсан тустуохтара.
Роман Попов, “Саха сирэ” хаһыат
Хаартыска Интэриниэттэн ылылынна.