СӨ Үөрэҕин уонна наукатын миниистирэ Владимир Егоров бэҕэһээҥҥиттэн тус Инстаграмыгар “Об образовании из первых уст” диэн саҥа рубриканы үлэлэтэн эрэр. Тустаах рубрика чопчу дистанционнай үөрэххэ туһаайыллыаҕа.
Ол курдук, бэҕэһээ рубрика үлэтэ саҕаланна. Миниистир Владимир Егоров иһитиннэрбитинэн, СӨ Үөрэҕин уонна наукатын министиэристибэтин иһинэн суһал штаб тэриллибит. Үөрэххэ туһаныллар сүрүн платформанан Учи.ру буолар. Саха сирин үгүс оскуолалара бу платформаҕа холбонон ситиһиилээхтик үлэлии олороллорун бэлиэтиир. Рубрика кэмиттэн-кэмигэр тахсыаҕа. Үөрэх үлэһиттэрэ, төрөппүттэр, үөрэнээччилэр Инстаграмҥа @vladimiregorov7047 сурутуоххутун сөп. Дистанционнай үөрэххэ саҥа рубрика бастакы видеотун манна көрүҥ.
Людмила ПОПОВА, edersaas.ru
+1
+1
+1
+1
+1
+1
+1