Национальнай ойуулуур-дьүһүннүүр мусуой дириэктэрин дуоһунаһын куонкуруһугар Влада Тимофеева кыайда диэн билиннэ.
Куонкуруска уопсайа 21 сайаапка киирбитэ. Хамыыһыйа үс бастыҥ хандьыдааты талбыта — Юлия Кравцова, Влада Тимофеева уонна Андрей Мартынов. Кыттааччылар тургутууну ааспыттара, мусуой сайдыытын бырагырааматын бырайыагын көмүскээбиттэрэ, дьыалабыай оонньууга кыттыбыттара.
Бастыҥынан Влада Тимофеева ааттанна. Кини Национальнай ойуулуур-дьүһүннүүр мусуой дириэктэрин научнай үлэҕэ солбуйааччынан үлэлиир. Билигин СӨ култууратын уонна духуобунай сайдыытын министиэристибэтигэр Влада Тимофеева ананыытын туһунан бирикээс бэлэмнэнэр.
Влада Тимофеева — Национальнай ойуулуур-дьүһүннүүр мусуой дириэктэрин научнай үлэҕэ солбуйааччы.
1994 сыллаахха Романов аатынан Дьокуускайдааҕы художественнай училищены бүтэрбитэ.
2000 сыллаахха Герцен аатынан Арассыыйатааҕы судаарыстыбаннай педагогическай университет ойуулуур искусствоҕа факультетын бүтэрбитэ.
2000 сылтан Романов аатынан Дьокуускайдааҕы художественнай училищеҕа үлэлиир.
2005 сыллаахха Гуманитарнай чинчийэр институт аспирантуратын бүтэрбитэ.
2006 сыллаахха Арассыыйатааҕы культурология институтугар искусствоведение хандьыдаатыгар учуонай истиэпэнин ылбыта.
СИА.