Маны аах Тыа хаһаайыстыбата

Вице-премьер Сунтаарга оттооһун хаамыытын билистэ

От ыйын 23 күнүгэр Саха Өрөспүүбүлүкэтин бырабыыталыстыбатын бэрэссэдээтэлин солбуйааччы М.В. Никифоров, Саха Өрөспүүбүлүкэтин тыатын хаһаайыстыбатын мелиорацияҕа уонна информатизацияҕа департаменын салайааччытын солбуйааччы Д.Д.Махаров уонна улуус Аҕа баһылыга Анатолий Григорьев Аллыӊа, Тойбохой, Кириэстээх нэһилиэктэрин оттуур ходуһаларын, бааһынай хайаайыстыбалары үлэлэрин билистилэр.

Нэһилиэк баһылыктара ыытыллар үлэни, баар кыһалҕалары кэпсээтилэр.

Аллыӊа нэһилиэгэр «Татыйыына» фирма салайааччыта Нина Прокопьевна Герасимова «Ал-Су» СХПК үлэтин, бурдук үүнүүтүн, хаһаайыстыба инники соруктарын билиһиннэрдэ.

Кириэстээх нэһилиэгэр «Хомустаах» оттуур ходуһаҕа от үлэтин хаамыытын, үлэ тэтимнээхтик бара турарын билистилэр.

«Бордоӊ» сайылыгар бостууктар уонна ыанньыксыттар дьиэлэригэр сылдьан, «Хотугу Сулус» уордьан кавалера, дьоруой ыанньыксыт Владимир Михайловы көрүстүлэр.

СХПК “Кириэстээх” «Кыра Табаҕа» бааһынатыгар бурдук үүнүүтүн көрдүлэр.

Салгыы Бүлүүчээн нэһилиэгэр тутулла турар саҥа спортивнай комплекс үлэтин көрдүлэр.

Сунтаар улууhун дьаһалтатын пресс-сулууспата.

0
0