Алтынньы 22 күнүгэр бырабыыталыстыба бэрэссэдээтэлин солбуйааччы Ольга Балабкина доруобуйа харыстабылын миниистирин эбээһинэһин толорооччу Лена Афанасьеваны министиэристибэ кэлэктиибигэр билиһиннэрдэ.
Ольга Балабкина бу иннинэ миниистиринэн үлэлээбит Елена Борисоваҕа махтанна. Үс сыл устата ыарахан кэмҥэ коронавируһу утары охсуһарга, доруобуйа харыстабылын саҥардыы бырагырааматын үлэлэтэргэ, “Здравоохранение” Национальнай бырайыагы олоххо киллэриигэ таһаарыылаахтык үлэлээбитин бэлиэтээтэ.
Лена Афанасьева бу үлэни ситиһиилээхтик салҕыырыгар, сайыннарарыгар вице-премьер эрэнэрин биллэрдэ. Кини онкологическай сулууспаны салайар кэмигэр, саҥа таһымҥа таһаарбытын, наукаҕа да, быраактыкаҕа да улахан уопуттаах салайааччы буоларын санатта.
Саҥа сокуон быһыытынан, саҥа миниистир РФ доруобуйа харыстабылын мирнистиэристибэтигэр сөбүлэһиини ааһыахтаах.
Ангелина Васильева, “Саха сирэ” хаһыат, edersaas.ru