Айылҕа харыстабыла Маны аах

Витимҥэ ойуурга кирдээх ууну куппуттар

Ленскэй оройуонун Витим бөһүөлэгин олохтооҕо Святослав Налимов полигоҥҥа кирдээх ууну куталларын уонна бөҕү-сыыһы сүөкүүллэрин туһунан иһитиннэрдэ.

«2021 сылтан биһиги полигоммутугар Чайыҥдатааҕы сир баайдаах учаастактан туһаныллыбыт кирдээх ууну уонна сыыһы-бөҕү аҕалан куталлар, сүөкүүллэр.  Маны «Авокян» ХЭУо оҥорор. Бу туһунан суруйбуппар кумаардаан да көрбөтүлэр.

Тохсунньу 13 күнүгэр түүн 2 чаас саҕана  Витимтэн 3 км ыраах сиргэ турар КПП аттыгар биир цистернэ кирдээх ууну ойуурга тоҕо туралларын хаартыскаҕа түһэрбитим. Оттон олунньу 15 күнүгэр биһиги полигоммутугар ити тимир көлөлөр эмиэ кирдээх ууну сүөкүү туралларын хаартыскаҕа түһэрбитим уонна көрдөрбүппэр, чуолкайдык көстүбэт диэн батынан кэбиспиттэрэ. Салгыы кулун тутар 25 күнүгэр олохпун толук уурартан куттаммаккабын видеоҕа устубутум. Маннык нүдьү балай сыһыаннаһыы хаһан тохтуур. Тустаах салалта болҕомтоҕо ылар ини», — диэн Святослав Геннадьевич  быһааран биэрдэ.

0
0
Telegram Whatsapp