Суолталаах

Виталий Чикачев тэрилтэ салааларын халаан уутун этэҥҥэ аһарыыга бэлэмнэрин хонтуруоллаата

«СӨ ОДьКХ» ГУП » сааскы халаан уутун этэҥҥэ аһарыыга бэлэм олорор. Онно туох үлэ ыытыллыбытын манна ааҕыҥ.

“СӨ ОДьКХ” ГУП генеральнай дириэктэрэ Виталий Чикачев сааскы халаан ууту этэҥҥэ аһарыыга таһаарбыт бирикээһин толорууга анаммыт сүбэ мунньаҕы ыытта.

Тэрилтэ салайааччыта анаан тэриллибит хамыыһыйаҕа бу үлэни сүрүннүүргэ уонна ирдэнэр тэрээһиннэри ыытыыны хонтуруоллууларыгар дьаһайда.

“Халаан уутун кэмигэр сылааһынан уонна уунан хааччыйар эбийиэктэр быыстала суох үлэлииллэрин хааччыйыахха. Салаалар ыксаллаах балаһыанньа үөскүөн сөптөөх түгэннэригэр бэлэм буолууларын, сөп буолар ахсааннаах саппаас источниктар, оттук уонна производственнай-тэхиньиичэскэй матырыйааллар баалларын бэрэбиэркэлиэхтээхтэр”, — диэн эттэ кини.

Виталий Чикачев уу ылыан сөптөөх сиригэр турар сылааһынан хааччыйар эбийиэктэри, гидротехническэй тутуулары, носуос ыстаансыйаларын уонна оҕунуох-уматык ыскылааттарын болҕомтоҕо ыларга соругу туруорда.

Мунньах кыттыылаахтара халаан уута ылыан сөптөөх сирдэригэр турар эбийиэктэр бары страховкалаахтарын бэлиэтээтилэр. Производственнай филиалларга халаан уутуттан саппаас источниктар, ууну бырахтарар анал сириэстибэлэр, өрөмүөн матырыйааллара, сибээс уонна тырааныспар бэлэмнэниллибиттэр.

Ону тэҥэ үлэһиттэргэ инструктаж ааҕыллыбыт, эрчиллии ыытыллыбыт.

“СӨ ОДьКХ” ГУП пресс-сулууспата

Бэлэмнээтэ Женни Стрюкова

Хаартыска: тустаах саайтан.

0
0
Telegram @edersaas20