VistaClubYkt бөлөх үтүө дьыаланы оҥорор түмсүү

Ааптар: 
Бөлөххө киир:

Кэлиҥҥи сылларга социальнай ситимнэргэ дьон бэйэлэрин интэриэстэринэн араас түмсүүлэри тэринэллэр.

edersaas.ru


Үөһээ Бүлүүттэн төрүттээх Дмитрий Андреев VistaClubYkt бөлөҕү 2010 сыллаахха тэрийбит.

Бастаан интэриниэккэ араас бөлөх тэриллэрин көрөн интэриэһиргиир этим. Онтон биир үтүө күн: «Арай мин эмиэ бэйэм бөлөх тэриннэхпинэ?» — диэн санаа көтөн түспүтэ. Бастаан үһүө этибит. Билигин  аҕыс сыл устата бөлөхпүтүгэр Toyota Vista массыыналаах  150 киһи баар буолла.

Онтон араас тэрээһиннэргэ 20 киһи кыттар, — диэн кэпсиир Дмитрий.

Бөлөх састааба аан бастаан 2012 сыллаахха көрсүбүт.

Түмсүүлээхпит наһаа үчүгэй. Бэйэ бэйэбитигэр өрүү көмөлөһөбүт. Араас боппуруостары ырытабыт. Кулуубунан тыаҕа тахсан сынньанабыт.   Айылҕаҕа сылдьан бөҕү-саҕы хомуйабыт. Ыарыһах оҕолорго көмөлөһөбүт.  Ыам ыйын 9 күнүгэр  түмсүүбүтүнэн Улуу Кыайыы күнүгэр анаммыт флешмоб онорбуппут, — диэн үлэтин билиһиннэрэр VistaClubYkt  бөлөх салайааччыта Дмитрий Андреев.

Бөлөх ыытар үлэтигэр араас улуустартан  «висталар» филиаллара эмиэ кыттыыны ылаллар эбит. Онон бу маннык араас социальнай хайысхалаах уопсастыбаннай түмсүүлэр тэриллэн, үтүө дьыаланы оҥорорго дьулуһууларын хайгыахха эрэ сөп.

Елена ПОТОЦКАЯ, «Саха сирэ» хаһыат, edersaas.ru

Хаартыска: VistaClubYkt бөлөх архыыбыттан.

+1
0
+1
0
+1
0
+1
0
+1
0
+1
0
+1
0