Visa уонна Mastercard төлөбүр систиэмэлэрэ Арассыыйаҕа үлэлэрин тохтотоллорун туһунан иһитиннэрдилэр. Бу туһунан ТАСС иһитиннэрэр.
Visa уонна Mastercard норуоттар икки ардыларынааҕы төлөбүр систиэмэлэрэ буолаллар. Visa пресс-сулууспатыгар иһитиннэрбиттэринэн, билиҥҥи кэмҥэ Арассыыйа сиригэр-уотугар туох баар транзакция тохтууругар үлэ бара турар. Арассыыйаҕа оҥоһуллубут баан каарталара кыраныысса таһыгар үлэлээбэт, онтон кыраныысса таһыгар оҥоһуллубут каарталар Арассыыйаҕа үлэлээбэт буоллулар.
Оттон Mastercard пресс-сулууспата ситим нөҥүө ааһар эпэрээссийэлэри тохтотуу санкциялары кытта сибээстээх диэн бэлиэтиир. Хампаанньа олох-дьаһах оннугар түстэҕинэ уонна «сокуон көҥүллээтэҕинэ» систиэмэ уруккутун курдук үлэлиэҕэ диэн эппит.
РИА Новости суруйарынан, Visa уонна Mastercard араҕыстар даҕаны, Арассыыйаҕа оҥоһуллубут баан каарталара Арассыыйа иһигэр үлэлииллэр. Маны таһынан, «Мир» каартанан Турцияҕа, ОАЭ, Кипрга, Вьетнамҥа, Белоруссияҕа, Арменияҕа, Казахстаҥҥа, Киргизияҕа, Таджикистаҥҥа, Узбекистаҥҥа төлүөххэ сөп.
Хаартыска: shazoo.ru