Дьокуускайга А.Е. Кулаковскай аатынан норуоттар доҕордоһууларын дьиэтигэр «Винтаж» ретро-быыстапка үлэтэ бу ый устатыгар салҕанар.
Быыстапканы А.Е.Кулаковскай аатынан норуоттар доҕордоһууларын дьиэтин бырааттыы омуктар сыһыаннаһыыларын эйгэтигэр үөрэтэр-методологическай киин тэрийэр диэн пресс-сулууспаттан иһитиннэрэллэр.
Кэллиэксийэҕэ өрөспүүбүлүкэ кэллиэксийэньиэрдэрин бөлөҕүн салайар Семенова Эльвира Николаевна — Сэргэ Кыыһа Тускулаана илии чаһыларын, ССРС кэминээҕи духуулары, одьукулуоннары, косметикалары, киэргэл арааһын, сумочкалары, Ючюгяева Дария Дмитриевна түөскэ иилиллэр лыах брошьтары, Кузнецова Светлана Семеновна былыргы иһиттэри, 1960-с сыллардааҕы хоппуйалары, шкатулкалары, кэллиэксийэтин саҥа саҕалаан эрэр Захарова Анастасия Дмитриевна сахалыы үрүҥ көмүс ытарҕалары, Новгородова (Шишигина) Тамара Егорона оҕуруолары, брошьтары, Ашихманова Наталья Юрьевна, Элизбарашвили Полина Васильевна, Птицына Надежда Петровна, Парникова Татьяна Васильевна, Шишигина Любовь Егоровна уруккуттан ууруммут, муспут кэллиэксийэлэрин аҕалбыттара болҕомтону тардаллар.
Быыстапка муус устар ый устатыгар турар.