Виктор Неумывакин Дьокуускайга үөрэх тэрилтэлэригэр сырытта
28.06.2021
Орто анал үөрэхтээһин уонна орто үөрэхтээһин эйгэтигэр судаарыстыбаннай бэлиитикэ департаменын дириэктэрэ Виктор Неумывакин профессиональнай үөрэхтээһини сайыннарыы институтугар, С.Н. Донской- II аатынан үөрэхтээһини сайыннарыы институтугар, идэҕэ урутаан бэлэмниир кииҥҥэ, норуоттар икки ардыларынааҕы Арктическай оскуолаҕа, кэллиэстэргэ сырытта.
«Түбүктээх күннэр буоллулар. Элбэх үөрэх тэрилтэтигэр, кэллиэстэргэ сырыттыбыт, эдэр педагогтары көрүстүбүт. Дохсун сайдыы бара турар, бары федеральнай бырайыактарга кыттар тиһиги көрдүм. Тэрилтэлэр квалификацияны үрдэтэр куурустарга сылдьыыны тэрийэллэр, производственнай үөрэх маастардарын, преподавателлэрин саҥалыы бэлэмнииллэр, бары күөн күрэстэргэ көхтөөхтүк кытталлар, биллэн турар, бу барыта үөрэх систиэмэтин үлэһиттэрин сыралара. Өрөспүүбүлүкэҕэ кинилэр сыралаах үлэлэрэ, мөккүөрэ суох, кэллиэстэргэ көстөр», — диэтэ Виктор Сергеевич.
2025 сылга тутуллан үлэҕэ киириэхтээх «Суперкампус», Виктор Неумывакин этэринэн, бу баҕа санааны эрэ толоро сатааһынтан буолбатах, бу эрэгийиэҥҥэ булгуччу наадалаах. Иккиһинэн, инновационнай бырайыактар улахан уларытыылары киллэрэллэрин, үөрэх тэрилтэлэригэр каадыр састаабыгар, биир ситимҥэ киллэрэргэ тэрилтэлэри, кэммиэрчэскэйэ суох автономнай тэрилтэлэри кытары бииргэ үлэлээһиҥҥэ саҥаттан көрүүлэри киллэрэрин бэлиэтиир. Үсүһүнэн, бырайыагы хамсатыы, бу аан дойду масштабыгар профессиональнай-тэхиньиичэскэй сайдыы систиэмэтин салгыы далааһыннаан биэрии буоларын бэлиэтиир.
«Орто анал үөрэхтээһин тиһигэр биһиги сорох уларытыылары былааннаабыппыт. Ол орто профессиональнай үөрэх (СПО) сайдыытын стратегиятын иитинэн бэлиэтэммитэ. Бу үөрэх тиһигэр, «Кими, төһө киһини уонна ханнык кэмҥэ бэлэмниибит» диэн куруук баар ыйытыылары кытары сибээстээх, кэллиэстэри салайыыга үлэни биэрээччилэри тардыы тиһигэр, уо.д.а. Иккис түһүмэх, үлэни биэрээччилэр көрдөбүллэринэн каадырдары бэлэмнээһини боппуруоһун кытта сибээстээх диэтэ кини.
Санатан эттэххэ, бэс ыйын 24 күнүгэр Дьокуускайга РФ Үөрэх министиэристибэтигэр орто анал үөрэхтээһиҥҥэ уонна орто үөрэхтээһин эйгэтигэр судаарыстыбаннай бэлиитикэ департаменын дириэктэрэ Виктор Неумывакин кэлбитэ. Бу иннинэ кини СӨ Бырабыыталыстыба бэрэссэдээтэлин солбуйааччы Сергей Местниковы кытта көрсүбүтэ. Дьокуускайга уонна Намҥа кэллиэстэргэ сылдьыбыта, эдэр преподавателлэр ассоциацияларын бэрэстэбиитэллэрин кытта көрсүбүтэ.
+1
+1
+1
+1
+1
+1
+1