ВИКТОР МИТЯСОВ ФУТБОЛГА ЫРА САНААТА

Бөлөххө киир:

Эдьигээн уола Виктор Митясов «Молодо» бириискэҕэ 2014 сыллаахха көмө оробуочай быһыытынан кэлбитэ. Вахтовик судургу нобуора: уларыттар таҥас, атах таҥаһа уонна… футбол мээчигэ.

edersaas.ru

Оччолорго баахта бөһүөлэгэ чочумаас хайалар уонна туундара ортотугар саҥа тутуллан эрэрэ, үлэ икки симиэнэнэн ыытыллара, күүстээх тымныылар түһүөхтэригэр диэри хайаан да бүтэриэххэ – аныгы бөһүөлэги туттарыахха наада этэ. Ол кэмҥэ успуорт былаһааккатын тутар туһунан санаан да көрбөттөрө, үлэ былаанын толоруохха наада этэ. Оттон манна мээчиктээх уол баара…

Ыччаттар аймахтарын кытта сибээстэһээри, симиэнэ кэнниттэн киэһээ төлөбүөн кабиналарыгар уочараттыыллара, сорохтор ноутбуктарыгар дьиэлэриттэн хаһаанан аҕалбыт киинэлэрин көрөллөрө. Оттон Виктор Митясов мээчигин ылара уонна биир санаалаахтарын хамаандатын кытта тутуллар турар дьиэлэр уонна итии кэлэр трасса ортотугар харыстаммакка футбол оонньуура. Өрө көтөҕүллүбүт спортсменнар «Молодо» бириискэ оччотооҕу дириэктэрэ Михаил Маковей билэ-көрө сатыыр уонна интэриэһиргээбит харахтарын өйдөөн да көрбөттөрө. Тымныылар түспүттэрэ, алмааһы хостооччулар баахта бөһүөлэктэрэ болдьоҕор туттарыллыбыта, үлэ былаана сүүс бырыһыан туолбута уонна футбол туһунан быстах кэмҥэ умнубуттара. Ол гынан баран, бириискэ дириэктэрэ Михаил Митрофанович умнубатах этэ, үгүс үөрүйэхтээх уонна билэр киһи быһыытынан, ыарахан үлэ кэнниттэн эдэр уолаттар таптыыр дьарыктарынан үлүһүйэллэрэ, санаалара көнньүөрэрэ наадатын өйдүүрэ. Үлэҕэ дьоҕурдаах уонна иллээх-эйэлээх кэлэктииби тэрийиэххэ наада этэ, оттон футбол барыларын түмпүтэ.

Баахта бөһүөлэгэр эмиэ тутуу саҕаламмыта. Аан бастаан футбол хонуутугар былаһаакка кутуллубута, бириискэ бары подразделениеларын уолаттара успуорт аренатын оҥорорго көхтөөхтүк кыттыспыттара. Онон, билигин футбол былаһаакката – «Молодо» бириискэ киэн туттуутун биридимиэтэ уонна бириискэ муударай дириэктэрэ Михаил Митрофанович Маковей туһунан өйдөбүнньүк.

Тутуллубут былаһааккаҕа билигин подразделениелар хамаандалара «Молодо» бириискэ бириистэрин иһин оонньууллар, футбол судьуйаларын иһиириилэрэ, оонньооччулар уонна ыалдьааччылар үөрбүт хаһыылара иһиллэр. «Анаабыр алмаастара» АУо корпоративнай хаһыатын страницаларыгар футболга турнирдар кыайыылаахтарын туһунан бастакы суруйуулар баар буоллулар. «Анаабыр алмаастара» АУо генеральнай дириэктэрэ Павел Маринычев бу былаһааккаҕа бириискэ спортсменнарыгар хаста да мэтээллэри уонна грамоталары туттарда. Кини көмөтүнэн, «Молодоҕа» бириискэ футбола сайдыы саҥа саҕаҕар таҕыста, бэлэм бэлиэлэрдээх саҥа анал сабыы баар буолла, оттон футбол мээчигэ вахтовик багааһын булгуччулаах атрибутунан буолла.

Манна даҕатан эттэххэ, көмө оробуочай Виктор Митясов бириискэлэр истэригэр футболга киирсии хас да төгүллээх чөмпүйүөнүнэн уонна призерунан буолла. Маастарыстыбатын футбол хонуутугар эрэ үрдэппэтэ, ону таһынан көмө оробуочайтан грохотовщикка, ЛОК промывальщигар тиийдэ. Билигин кини «Молодо» бириискэҕэ «Далдын» ТСУГОУ сепараторщигынан үлэлиир уонна футбол боруонса мэтээлин түөһүгэр киэн тутта иилинэр.

«Молодо» бириискэ хас биирдии футболиһа бириискэ футбола сайдыытын устуоруйатын илдьэ сылдьар. Араас сылларга бэйэлэрин подразделениеларын чиэһин көмүскээбиттэрэ: РММ автоэлектрига Рожин Семен; РММ мэхээнньигэ Ефимов Александр; АСК ЛОК доводчига Рожин Фрол; РЛС ЦД сепараторщига Кривошапкин Олег; Альберт уонна Прокопий Петровтар уо.д.а. Кинилэргэ дьиэлэригэр «Анаабыр алмаастара» АУо «Молодо» бириискэ мэтээллэрэ футбол хамаандатын өйдөбүнньүгүн уонна мындыр дириэктэр кэриэһин, Виктор Митясов футболга ыратын быһыытынан хараллан сыталлар.

«Саха сирэ» хаһыат, edersaas.ru анаан Мичил ГУРЬЕВ.

АЛРОСА пресс-сулууспатын хаартыскалара

+1
0
+1
0
+1
0
+1
0
+1
0
+1
0
+1
0