Виктор Колесов Арассыыйа НАТО-ны кытта сыһыанын туһунан санаатын үллэһиннэ
«Сахамедиа» салайааччыта Виктор Колесов социальнай ситимнэргэ Арассыыйа НАТО-ны кытта сыһыанын устуоруйатын санатан суруйда:
— АХШ-га уонна Арҕааҥҥы Европаҕа Арассыыйа гражданнарын олоҕо суолталамматын дойдубут бэйэтин уопутуттан билэр. 90-с сылларга Хотугу Кавказ терроризм улаханнык муҥутаабыт сирэ буолбутун бары өйдүүбүт. Маны арҕааҥҥы дойдулар харчынан, өйүнэн-санаанан да өйөөбүттэрэ.
НАТО суолтатын үрдэтэрэ мээнэҕэ буолбатаҕын устуоруйа кэрэһэлиир. Толкуйдаммыт сылтаҕынан Белград үлтү буомбаламмыта. Маннык курдук Ирагы уонна Ливияны эспиттэрэ. Сирияҕа эмиэ бу дьайыылары оҥоро сыспыттара. НАТО интэриэстэрэ куруук элбэх киһи өлүүлээх буолар. Бу дойдуларга саамай сүрүнэ — барыстаах хаалыы.
Арассыыйа куруук дуогабардаһа сатыыр. Ол эрээри, кэпсэтэ сатааһыннары, этиилэри киллэриилэри ылыммат этилэрэ. Кинилэр дуогабардаһарга буолбакка, бирикээстииргэ үөрэммиттэр. Бука, бары бэлитиичэскэй опциялара толоруллубуттар быһыылаах. Маныаха Арассыыйа Украина сирин-уотун былдьыыр сыала-соруга суох. Украина олохтоохторо бэйэлэр инникилэрин быһаарыныахтара дии саныыбын. Ол эрээри, бу неонацистар бырааттыы норуоппутун куттууллара дьиксиннэрэр.