ВИДЕО: 12 күн устата ойуурга муммут Карина Чикитова туһунан киинэ тахсыаҕа

2014 сыл атырдьах ыйыгар Өлүөхүмэ Олом сэлиэнньэтигэр үс саастаах Карина Чикитова ойуурга муммутун туһунан сонун аан дойдуну аймаабыта. Кыысчаан туһунан «Арт-дойду» хампаанньа киинэ устар.

Каринаны муммута 12-с күнүгэр булбуттара. Кини билигин Дьокуускайга балет оскуолатыгар үөрэнэр. Тулуурдаах кыыс туһунан суруналыыс Виктория Габышева «Карина. 12 дней в тайге» диэн кинигэ суруйбута. Аны хас да сыллааҕыта Дьокуускай аэропуордун таһыгар пааматынньык туруорбуттара.

«Карина» киинэни «Арт-дойду» хампаанньа устар. Бэҕэһээ, сэтинньи 10 күнүгэр, киинэ тизерэ тахсыбыта. Тизери бу сайын American Film Market 2020 диэн киинэ ырыынагар анаан спонсор көрдөөрү устубуттар эбит. Киинэ хартыыналарын Уус Майаа оройуонугар устубуттар.

edersaas.ru

Хаартыска — peoples.ru