Томпо улууһугар бу саас үрүҥ эһэни дьон хаста даҕаны көрбүтүн туһунан иһитиннэриилэр тарҕаммыттара. Бэҕэһээ Хаандыга үрэххэ балыктыы тахсыбыт эр киһи үрүҥ эһэни көрбүт.
Эр киһи бөһүөлэктэн 120-130 км тэйиччи сиргэ балыктыы диэн үрэххэ барбыт. Ол олордоҕуна кэнниттэн эһэ кэлбит. Хата, балыксыт түргэн туттунуулаах буолан массыынатыгар куоппут. Онтон олорон эһэни видеоҕа устубут. Балыксыт кэпсииринэн, кини массыына сигналынан үүрэ сатаабыт да, кыыл онно кыһамматах.
Томпотооҕу диспетчерскай сулууспа (ЕДДС) иһитиннэрэринэн, бүтэһик дааннайынан үрүҥ эһэ Теплай Ключ сэлиэнньэтин чугаһыгар баара бэлиэтэммитэ.
+1
+1
+1
+1
+1
+1
+1