«InDriver» такси сакаастыыр төлөпүөн сыһыарыыта Нью-Йорка үлэтин бүгүн саҕалаата. Куорат биэс оройуонун (Манхэттен, Бруклин, Квинс, Бронкс уонна Стейтен-Айленд) олохтоохторо туһаныахтарын сөп.
Бүгүҥҥү туругунан сыһыарыыны биэс тыһыынчаттан тахса суоппар хачайдаата. Холобур, Манхэттен олохтоохторун 22%-на эрэ массыыналаах. Нью-Йорк олохтоохторо маныаха майгынныыр такси атын сыһыарыыларыгар биир айан сыанатыттан 30-40%-ын төлүүллэр эбит. «InDriver» бу балаһыанньаны уларытар санаалаах.
Арсен Томскай, inDriver генеральнай дириэктэрэ: «Дьокуускайтан Нью-Йорка тиийбиппит сүүһүнэн киһи сыралаах үлэтэ уонна мин 25 сыл усталаах урбаанньыт быһыытынан суолум буолар. Хамаандабар махтал!«.
Биэс-алта сыллааҕыта “Вконтакте” социальнай ситимҥэ “Тутулуга суох суоппардар сойуустара” диэн бөлөх баара. Кэлин ол бөлөх биир соц-ситим таһыгар тахсан, төлөпүөҥҥэ аналлаах сыһыарыыга кубулуйбута. Билигин сыһыарыыбыт Арассыыйа 160-ча куоратыгар, аан дойду аҕыс судаарыстыбатыгар үлэлиир.