ВИДЕО: Чурапчытааҕы интэринээт-оскуола үлэһиттэрэ баһаарга көмөлөстүлэр

Д.П.Коркин аатынан Чурапчытааҕы интэринээт-оскуола үлэһиттэрэ Мэлдьэхси баһаарыгар күүс-көмө буоллулар.

Оскуола дириэктэрэ Николай Гуляев кэпсииринэн, кэлэктииптэн сэттэ киһи буолан үс күн устата үлэлээтилэр.

“Сарсыардаттан киэһээҥҥэ диэри ойуур баһаарын умуруорууга көмөлөстүбүт. Сүрүннээн уоту манааһыҥҥа сырыттыбыт. Улуус, нэһилиэк дьаһалталара үлэни үчүгэйдик тэрийэн ыыта сылдьаллар”, – диэн бэлиэтиир кини.

Аграфена КУЗЬМИНА.