Өймөкөөн улууһун Төрүт нэһилиэгэр бүгүн иккис күнүн ардыыр.
edersaas.ru
Олохтоохтор: «Дьэ, интэриэһинэй дьыл буолла. Киһи итэҕэйиэн баҕарбат курдук. Кыстык хаар түһэр кэмигэр Тымныы полюһугар Бокуруоп күн ардыыра — айылҕа сэдэх көстүүтэ. Нэһилиэкпитин хараҥа былыт бүрүйэн турар.
Хаас соҕуруу саҥа ааһан эрэр. Хайаҕа хаардаах этэ да, ол кытта ууллубут.
Баччаларга муус аннынан балыктыыр кэммит этэ. Хаһан хаарбыт түһэр…», — диэн төрүттэр соһуйаллар.
Дьэ, кырдьык, дьикти дии, өрөспүүбүлүкэ улуустарыгар кыстык хаар күлүмнүүр, оттон тымныытынан аатырар Өймөкөөҥҥө ардах түһэр…
Елена ПОТОЦКАЯ, «Саха сирэ» хаһыат, edersaas.ru
Хаартыскаҕа Елена Черемкина түһэриитэ.
+1
+1
+1
+1
+1
+1
+1