Вездеходу тиэммит катер айаннаата
Олох-дьаһах

Вездеходу тиэммит катер айаннаата

“Кыталык” национальнай паарка сиригэр-уотугар ыраах баҕайы сиргэ турбут уоту умулларыыга Дьокуускайтан федеральнай күүстэр тиийэн үлэлии сылдьаллар. Кинилэргэ Судаарыстыба экологияҕа кэтэбилин Аллайыахатааҕы иниспиэксийэтэ тиэйэн илдьиини тэрийиигэ, хааччыйыыга, сирин-уотун ыйан биэриигэ, сүрүннээһиҥҥэ көмөлөһөр.

Аны ол сиргэ Чокуурдаахтан вездеходу катерынан тиэйэн илдьиэхтээхтэр этэ. Ити тиэйиэхтээх катер Русскай-Устьеҕа сайыҥҥы балыктааһыҥҥа бэнсиин уонна солярка илдьэн сүөкээн баран, бөөлүүн түүн эргиллэн кэлбитэ. Уонна тута уоту умулларар дьоҥҥо түргэнник вездеход тиийдин диэн түүннэри айаҥҥа туруммута.

БМК понтуоннаах катеры капитан Евгений Трофимов үлэлэтэр. Вездеходу ыытааччы Михаил Кузин “Арктика суоллара” тэрилтэҕэ үлэлиир. Вездеход уот турбут сиригэр умулларааччылар туһанар ыарахан тэриллэрин тиэрдиэхтээх. Онон улахан күүс айаннаата.

Женни СТРЮКОВА.

Хаартысканы: Аллайыахаттан ыыттылар

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

восемь + один =