Вероника Стручкова: «Саарбах иһитиннэриилэри «сиидэлии» олоруохха»

Бу күннэргэ дьиэҕэ олорон эрэсиими тутуһар дьон, өйбүт-санаабыт, аны, Төрүт Сокуоммут тула буолла.

edersaas.ru

Буолумуна, Төрүт Сокуон — олохпут тутула буоллаҕа. Ол да иһин, дьон  санааларын батсаап, инстаграм нөҥүө үллэстэрэ үксээтэ.

Амма улууһунааҕы киин бибилэтиэкэ кыраайы үөрэр салаатын бибилэтиэкэрэ Вероника Стручкова бу тиэмэҕэ санаатын бу курдук үллэһиннэ:

—  Сыстыганнаах дьаҥынан сибээстээн, дойдубут олоҕун укулаата, экэниэмикэтэ улахан оҕустарыыны ылла. Онон туһанан дьон өйүн-санаатын бутуйар, самнарар араас ис хоһоонноох «фейктар», «спамнар» социальнай ситимнэринэн, интэриэниэт таһаарыыларынан хото киирэ тураллар. Биһиги сүрүн сорукпутунан, төһө да уустук кэм буоллар, итинник хабааннаах саарбах иһитиннэриилэри «сиидэлии» олоруохпутун наада. Санаан көрүҥ, ити батсаапка кэлэр дьон санаатын буккуйар иһитиннэриилэр, «анаарыылар», «ырытыылар» ааптардарын ааттара-суоллара ыйыллар дуо? Суох. Кылаабынайа, ону көрүҥ. Уйулҕабытын хамсатаары дураһыйар дьоҥҥо (бу уйулҕа сэриитэ) бас бэриммэккэ,  инникигэ,  үйэлээххэ сырдык ыралаах олорор кэм кэлбитин өйдүөхтээхпит. Буолаары буолан, уруккулуу  буолбакка, сөпкө дьаһанан олорор кэммит кэллэ. Ол ону Төрүт Сокуоммут быһаарар, кэскилбитин түстүүр. Онон ыччаттардаах дьон, кинилэр сарсыҥҥыларын туһугар куоластыаҕыҥ диэн ыҥырабын. 

Елена ПОТОЦКАЯ, «Саха сирэ» хаһыат, edersaas.ru