Карина Чикитова Дьокуускайга кэлэн пааматынньыгын аттыгар хаартыскаҕа түспүт. Кыысчаан билигин 7 саастаах. 2014 сыллаахха Өлүөхүмэ тайҕатыгар Найда диэн ытын кытта муна сылдьан баран, уон иккис хонугар дьолго, этэҥҥэ көстүбүтэ. Кини хорсунун, тулуурун, дьулуурун туоһулуур пааматынньыгы 2015 сыллаахха Дьокуускай аэропордугар туруорбуттара. Ону таһынан, суруналыыс Виктория Габышева «Карина. 12 дней в тайге» диэн сэһэнэ тахсыбыта. Үс сыл ааста эрээри, күүстээх санаалаах кырачаан Карина дьоруойдуу быһыыта умнуллубат.
+1
+1
+1
+1
+1
+1
+1