«Саха сирин киэн туттуута” норуот бириэмийэтин бу сыллааҕы бүтэһик түһүмэҕэ түмүктэннэ. Ол курдук “Хорсун быһыы” номинация уһулуччу кыайыылааҕынан Петр Заровняев буолла.
Өрөспүүбүлүкэ араас муннуктарыттан хорсун быһыыны оҥорбут, чулууттан чулуу сэттэ хандьыдаат финалга тахсыбыта. Биир нэдиэлэ устата тыһыынчанан куолас киирэн, номинаннарга уопсайа 16 561 куолас киирбитэ. Ол иһигэр Валентин Мищенкоҕа — 5995, Павел Ядрихинскайга — 1358, Мичилия Гурьеваҕа — 1113, Валентина Сметанинаҕа — 777, Евгений Ефимовка, Станислав Чупановка, Леонид Куличкиҥҥа (номинацияҕа биир хандьыдаат быһыытынан кыттыбыттара) — 577, Карина Колесоваҕа — 551 куолас киирбитэ.
Онтон өрөспүүбүлүкэтээҕи катастрофа мэдиссиинэтин киинин бырааһа, анестезиолог-реаниматолога, коронавирус дьаҥын утары охсуһуу биригээдэтин састаабыгар сылдьар Василий Заровняевка саамай элбэх куолас (6190) киирэн, кыайыылаах үрдүк аатын ылла.
Бу номинацияҕа кыттыбыт дьон бары биһиги кэммит дьоруойдарынан буолаллар, кинилэр хорсун быһыыларынан биһиги киэн туттабыт.
Норуот бириэмийэтин тэрийээччитинэн “Сахамедиа” холдинг буолар. Холдиҥҥа “Саха сирэ”, “Якутия” хаһыаттар, YSIA.RU, Edersaas.ru уонна Якутия-Daily.ru саайтар киирэллэр. Официальнай спонсордар: «Камелёк» уонна «Киэргэ» фирмалар.
edersaas.ru