Уопсастыба

Василий Никифоров-Күлүмнүүр пааматынньыгар сибэкки уурдулар

Бүгүн, балаҕан ыйын 27 күнүгэр — Саха Өрөспүүбүлүкэтин Судаарыстыбаннаһын күнүгэр, Василий Никифоров-Күлүмнүүр пааматынньыгар ытыктабыл бэлиэтигэр сибэкки уурдулар.

Бүгүҥҥү долгутуулаах бэлиэ күҥҥэ биллэр уопсастыбаннай, бэлитиичэскэй диэйэтэл, ХIХ үйэ бүтэһигэр, ХХ үйэ саҕаланыытыгар саха интеллигенциятын лиидэрэ Василий Никифоров-Күлүмнүүр пааматынньыгар сибэкки дьөрбөтүн ууруу долгутуулаах тэрээһинигэр СӨ ОДьКХ уонна энергетикатын миниистирэ Вячеслав Емельянов кытынна.
«Бу бэлиэ күҥҥэ биһиги өрөспүүбүлүкэ судаарыстыбаннаһын олохтоспут ытык дьоммутун ахтан-санаан, кинилэр сырдык ааттарыгар сүгүрүйэн ааһар ытык иэстээхпит. Василий Васильевич Никифоров-Күлүмнүүр — саха норуотун кэскилин туһугар элбэҕи турууласпыта. Кини норуотун, дойдутун туһугар санаатын, көрүүлэрин туруулаһар, кэннинэн чугуйары билбэт хорсун, дуулаҕа санаалааҕа», —  диэн Вячеслав Емельянов бэлиэтээтэ.
Пааматынньыкка сибэкки ууруутун бэлиэ түгэнигэр Ил Түмэн Бэрэссэдээтэлин солбуйааччы Антонина Григорьева, СӨ Конституционнай Сэбиэтин бэрэссэдээтэлэ Петр Гоголев, Василий Васильевич Никифоров-Күлүмнүүр аймахтара, Уус Алдан улууһун МТ бэрэстэбиитэллэрэ кытыннылар.
0
1