Мэҥэ Хаҥалас улууһун 2018 сылга уон бастыҥ спортсменнарынан буоллулар:
1.Егоров Василий, спорт үтүөлээх маастара, боксаҕа Бүтүн Арассыыйатааҕы турнир (Дьокуускай), “А” кылаастаах норуоттар икки ардыларынааҕы күрэс (Польша) кыайыылаахтара, Арассыыйа 2018 сыллааҕы чөмпүйэнээтин кыайыылааҕа. Тириэньэрэ –Пахомов Артур.
2.Скрябин Ньургун, норуоттар икки ардыларынааҕы кылаастаах спорт маастара, көҥүл тустууга Белоруссия 2018 сыллааҕы чөмпүйүөнэ, Белоруссия Кубогын уонна Тахти Кубогын кыайыылааҕа. Тириэньэрэ – Игнатьев Гаврил.
3.Скрябин Игорь, чэпчэки атлетикаҕа РФ спордун маастарыгар хандьыдаат, атах оонньуутугар Саха сирин маастара, үстэ төхтүрүйэн ыстаныыга Уһук Илин уокуругун чөмпүйэнээтин боруонса призера; Саха Өрөспүүбүлүкэтин чөмпүйэнээтин үстэ төхтүрүйэн ыстаныыга уонна уһуну ыстаныыга чөмпүйүөнэ, үрүҥ көмүс призера; атах оонньуутугар Саха сирин чөмпүйэнээтин боруонса призера. Тириэньэрэ – Ильин Борис.
4.Филиппов Петр, чэпчэки атлетикаҕа РФ спордун маастарыгар хандьыдаат, атах оонньуутугар Саха сирин маастара, Саха Өрөспүүбүлүкэтин уһуну ыстаныыга чөмпүйүөнэ; дьиэ иһигэр уһуну ыстаныыга улуус рекордсмена (7 м 14 см). Тириэньэрэ – Ильин Борис.
5.Шергин Георгий, чэпчэки атлетикаҕа РФ спордун маастарыгар хандьыдаат, атах оонньуутугар Саха сирин маастара, ыччаттар Арассыыйаҕа бастыыр иһин күрэхтэһиилэрин, ыччаттар Арассыыйатааҕы спартакиадаларын кыттыылааҕа; уһуну ыстаныыга, үстэ төхтүрүйэн ыстаныыга Хабаровскай кыраай үрүҥ көмүс призера; уһуну ыстаныыга, үстэ төхтүрүйэн ыстаныыга Уһук Илин уокурук чөмпүйүөнэ, үрүҥ көмүс призера; Уһуну ыстаныыга улуус рекордсмена (7 м 16 см).
6.Куприянов Василий, бэтэрээннэр ортолоругар нуучча дуобатыгар аан дойдуга бастыыр иһин турнир (Ярославль) кыайыылааҕа, тыа сирин олохтоохторун VI Бүтүн Арассыыйатааҕы күрэхтэһиилэрин (Челябинскэй) үрүҥ көмүс призера.
7.Захаров Семен, спорт маастара, оҕунан ытыыга хамаанданан Арассыыйаҕа бастыыр иһин күрэс боруонса призера; Дьокуускай куорат чөмпүйэнээтигэр үһүс миэстэлээх; “Бэргэн Охчут” өрөспүүбүлүкэтээҕи турнир микскэ кыайыылааҕа. Тириэньэрэ—Васильев Петр.
8.Бродникова Кэрэчээнэ, спорт маастарыгар хандьыдаат, мас тардыһыыга Европа чөмпүйүөнэ; Роман Дмитриев кэриэһигэр Бүтүн Арассыыйатааҕы турнир үрүҥ көмүс призера. Тириэньэрэ – Попов Алексей.
9.Охлопкова Анна, спорт маастара, мас тардыһыытыгар Арассыыйа үрүҥ көмүс, Саха сирин боруонса призердара. Тириэньэрэ – Попов Алексей.
10.Кылабысов Михаил, остуол тенниһигэр Уһук Илин чөмпүйэнээтин үрүҥ көмүс призера; ХИФУ хамаандатын састаабыгар Саха сирин чөмпүйэнээтигэр үһүс миэстэлээх. Тириэньэрэ – Ларионов Яков.
Сыл бастыҥ тириэньэринэн Саха Өрөспүүбүлүкэтин үтүөлээх тириэньэрэ Ильин Борис, физкультура, спорт бастыҥ пропагандиһынан Захаров Дьулустаан ааттаннылар.
Бастыҥ спорт федерациятынан сахалыы остуол оонньууларын федерацията билиниллиннэ.
Спорт, маассабай үлэ бастыҥ уопсастыбанньык-тэрийээччитинэн Сидоров Дмитрий, бастыҥ меценаттарынан Ефремов Петр, Забровскай Максим, Катакинов Дмитрий, Шагинян Артуш, Мубаракшин Мансур буоллулар.
“Спорт бастыҥ инструктора” аат — Андреева Саргылаанаҕа, “”Бастыҥ муниципальнай тэриллии баһылыга” аат — Свинобоев Мироҥҥа иҥэрилиннилэр.
Роман Попов
Хаарстыска Интэриниэттэн ылылынна.