Күндү биир дойдулаахтарым! Бука барыгытын итиитик-истиҥник улуу Арассыыйа күнүнэн эҕэрдэлиибин.
Биһиги өбүгэлэрбит былыр-былыргыттан бэйэлэрин тулуурдарынан, дьулуурдарынан, туох баар дьоҕурдарынан, сыралаах үлэлэринэн киэҥ Арассыыйабыт сайдарын, тупсарын, уйгулаах буоларын туһугар сыраларын ууран кэлбиттэрэ. Эйэлээх уонна дьоллоох олоҕу биһиэхэ бэлэхтээбиттэрэ.
Арассыыйа күнэ бары норуоттар биир сомоҕо буолуубутун кэрэhилиир бэлиэ күн. Биһиги, дьолунан илгийэр киэҥ нэлэмэн сирбитигэр-уоппутугар бары норуоттар иннибит диэки сайдыыга, туруоруммут сыалы толорорго эрэллээхтик уонна дьулурҕатык хардыылыаҕыҥ. Маныаха Арассыыйа дохсун сайдыытын кытары инники кэскилбит ыкса сибээстээҕэ хамсаабат бигэ тирэхпит буоларыгар эрэниэҕиҥ.
Күндү биир дойдулаахтарым. Аҕа дойдубут, Сахабыт сирэ сайдарын туһугар айыҥ-тутуҥ, үөрэҕи-билиини баһылааҥ, үлэҕэ-хамнаска инники күөҥҥэ сылдьыҥ!
Варвара Устинова, РФ Үлэ Дьоруойа.
Хаҥалас