М.К.Аммосов аатынан СГУ тэриллибитэ 65 сылын үөрүүлээх бэлиэтээһин күн филология наукатын дуоктара, бэрэпиэссэр Варвара Окороковаҕа «СӨ наукатын үтүөлээх үлэһитэ» үрдүк аат иҥэрилиннэ.
Варвара Борисовна Сунтаар оройуонун Кутана сэлиэнньэтигэр төрөөбүтэ. Дьокуускай куорат 20 нүөмэрдээх оскуолатын, 1980 сыллаахха СГУ ИФФ отделениетын кыһыл дипломунан бүтэрбитэ. 1988 сыллаахха Казахстан Наукатын академиятын литератураҕа уонна фольклорга институтугар кандидатскай диссертациятын, 1999 сыллаахха Башкортостан Өрөспүүбүлүкэтигэр дуоктар диссертациятын көмүскээбитэ.
Варвара Окорокова -– ХИФУ саха литературатын кафедратыгар Саха сирин норуоттарын литературатын устуоруйатын преподаватела, РФ үрдүк үөрэҕин бочуоттаах үлэһитэ, СӨ профессиональнай үөрэхтээһинин туйгуна, «Гражданскай килбиэн», «Учууталлар учууталлара» бэлиэлэринэн наҕараадаламмыта.
Надежда ЕГОРОВА, «Саха сирэ», edersaas.ru