Маны аах Экэниэмикэ

Валерий Жондоров: “Саха сирин үбүн-харчытын үлэһиттэрэ хамсык кэмигэр үлэ саҥа таһымыгар таҕыстылар

Саха сирин үбүн миниистирэ Валерий Жондоров Москватааҕы үп пуорумугар сылдьар. Кини “Арассыыйа Федерациятын субъектарын иэскэ туруктаах буолуулара: кэскиллэр” панельнай дискуссияҕа кыттыаҕа.

“Финансист үлэтэ социальнай эйгэ, экэниэмикэ сайдыытын кытта ситимнээх. Бары тэрээһиннэри үбүнэн хааччыйыы сайдыы социальнай-экэнэмиичэскэй соруктарын толорууга төһүү буолар”, — диэтэ Валерий Жондоров уонна биир идэлээхтэрин бырааһынньыгынан эҕэрдэлээтэ.

Хамсык кэмигэр хааччахтааһын миэрэлэрин чэрчилэринэн үп-харчы үлэһиттэрин үлэлэригэр саҥа ирдэбиллэр турбуттара: экэниэмикэ бары салааларын быыстала суох үбүлээһин.

“Бу тургутууну өрөспүүбүлүкэ үбүн тиһигэ дьоһуннук туораата, социальнай суолталаах ороскуоттары үбүнэн кэмигэр, өйөбүл ньымаларынан тэрилтэлэри хааччыйда, ол түмүгэр 2021 сылга экэниэмикэ чөлүгэр түһэр кыахтанна”, — диэтэ миниистир.

“Бу бырааһынньык күн бары финансистарга махтанабын, кинилэр көмөлөрүнэн уопсастыба иннигэр турар соруктары быһаарыыга өрөспүүбүлүкэ үбүн тиһигэ быыстала суох үлэлээтэ”, — диэн түмүктээтэ кини.

2022 сылга Саха АССР 100 сылыгар өрөспүүбүлүкэ үбүн тиһигэ 100 сылын бэлиэтиир. Кини бу бэлиэ даатаны өрөспүүбүлүкэ үбүн-харчытын үлэһиттэрэ үтүө түмүктэрдээх көрсүөхтэрэ диэн эрэнэрин биллэрдэ.

Сахаговтан

Бэлэмнээтэ Женни Стрюкова

Хаартыска: тустаах саайтан

0
0