Маны аах Тырааныспар

«Валдай-45Р» суудуналар Өлүөхүмэҕэ ыам ыйын бүтүүтүттэн сылдьыахтара

«Өлүөнэтээҕи холбоһуктаах пароходствота» ПАУо алын сүһүөх тэрилтэтэ — «Ленатурфлот» ХЭТ бу сааскыттан Дьокуускай — Аллараа Бэстээх хайысхатынан навигацияны саҕалаан, «Нептун» суудуналарынан дьону таһар.

 

— Быйыл сайын Тиксиигэ, Өлүөнэ остуолбаларыгар  рейстэр оҥоһуллуохтара. Сыана уруккутунан хаалла.  Экипаж уонна суудуналар навигацияҕа бэлэмнэр. Былырыыҥҥы курдук санитарнай ирдэбиллэри тутуһан үлэлиибит, — диэн «Ленатурфлот» генеральнай дириэктэрэ Бактыбек Егоров иһитиннэрдэ.

Маны таһынан, Дьокуускай — Өлүөхүмэ — Ленскэй — Пеледуй – Витим хайысхатынан  суудуналар айанныахтара. Манна улахан уларыйыы киирбэтэх. Бу хайысханан быйылгыттан икки  “Валдай – 45Р” саҥа устар ааллар сылдьыахтара. Рейстэр күннэтэ Өрүс пуордуттан оҥоһуллуохтара. Манна анал социальнай тарыып олохтоммут. Дьокуускайтан Өлүөхүмэҕэ диэри уон чааһынан тиийиллэр эбит. Туһааннаах хайысханан айан-сырыы ыам ыйын бүтүүтүттэн олохтонуохтаах

edersaas.ru

Хаартыска: «Өлүөнэтээҕи холбоһуктаах пароходство» пресс-сулууспата

0
0