Доруобуйа

Вакцината ыл — массыына эбэтэр смартфон сүүй

 Коронавируһу утары быһыыны ылбыт дьоҥҥо анаан #СтопКоронавирусЯкутия диэн аахсыйа ыытыллар. Бу аахсыйа сүрүн соруга — нэһилиэнньэҕэ дьаҥ тарҕаныытыгар эппиэтинэстээх буолууга ыҥырыы. Аахсыйаҕа 18 сааһыттан үөһээ саастаах дьон  кыттар. Аахсыйа икки түһүмэхтээх.

Нэдиэлэ ахсын

Нэдиэлэ ахсын ыытыллар аахсыйаҕа вакцина бастакы түһүмэҕин от ыйын 6 күнүттэн  саҕалаан атырдьах ыйын 30 күнүгэр диэри ылбыт  дьон  кыттар. fondyakutia.ru саайтка хас бэнидиэнньик ахсын 20.00 чаастан 21.00 чааска диэри  төһө сайаапка киирбитин туһунан иһитиннэрии тахсыаҕа. Оттон нөҥүө күн сарсыарда 07.00-08.00 ч. «Утро Якутии» быһа эпииргэ «Саха» НКИХ, Якутия24 ханаалларга смартфон сүүйбүт дьон аата биллиэҕэ.

Иккис түһүмэх — финал

Манна вакцинаны толору ылбыт киһи кыттар. Атырдьах ыйын 31 күнүгэр сарсыарда 07.00-08.00 ч. «Утро Якутии» быһа эпииргэ «Саха» НКИХ, Якутия24 ханаалларга  Лада 4×4 (Нива) массыынаны сүүйбүт үс киһи аата ааттаныаҕа. Аахсыйаҕа кыттарга e-yakutia.ru порталга регистрацияланар  наада. Портал суһал линията 88001007788.

Ульяна Захарова, edersaas.ru

 

0
0