Вакцинаны дьиэҕэ ылыахха сөп

Бөлөххө киир:

Бэнидиэнньиккэ, атырдьах ыйын 17 күнүгэр грипп ыарыыны утары вакциналар өрөспүүбүлүкэҕэ кэллилэр. Онон медиктэр биэрэн саҕалаан эрэллэр. Ол туһунан суһал ыстаап салайааччыта, вице-премьер Ольга Балабкина иһитиннэрдэ.

edersaas.ru

Вакцинаны ылыан баҕалаах дьон поликлиникалар нөҥүө уонна тэрилтэлэргэ ыҥыран кэлэктиибинэн ылыахтарын сөп. Бу ый бүтэһигин диэки вакцинаны дьиэҕэ тиийэн биэрэр буолуохтара. Ол туһунан доруобуйа харыстабылын министиэристибэтин бирикээһэ тахсыахтаах.

Билигин поликлиникаҕа дьон эрдэттэн төлөпүөнүнэн суруйтаран баран, былаан быһыытынан көрдөрөллөр. Суһал ыстаап уонна кылаабынай быраастар поликлиникаларга мустан, уочараты олохтообокко, дьонтон тэйиччи сылдьарга көрдөһөллөр.

Бэҕэһээ суһал ыстаап мунньахтаан, өрөспүүбүлүкэҕэ санитарнай-эпидемиологическай балаһыанньаны тупсарар туһунан сүбэлэстилэр. Күһүн үгэс курдук, тумуу, ОРВИ тарҕанарынан, коронавирус инфекцията уонна бу ыарыылар булкуспаттарыгар туһуламмыт үлэ ыытыллыахтаах. Ол туһуттан лабораториялар үс бөлөххө араарыллан, тус-туспа ыарыыларга анаалыс ылар буолуохтара. Ону тэҥэ, инфекционнай балыыһаҕа куойка ахсаана элбэтиллиэҕэ.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0