Доруобуйа Сүрүн

Вакцинаны булгуччулаах ылыы тохтотулунна

Саха сирин кылаабынай судаарыстыбыннай санитарнай бырааһа Маргарита Игнатьева коронавируһу утары булгуччулаах вакцинацияны тохтотор туһунан уураахха илии баттаата.

Саҥа уураах 2021 сыл ыам ыйын 19 күнүгэр ылыллыбыт уураах модьуйууларын көтүрэр. Ол курдук, быһыыны ылбатах дьону үлэттэн ууратыы аны тохтотуллар.

Хамсык саҕаланыаҕыттан эрэгийиэҥҥэ барыта 180 тыһыынчаттан тахса коронавируска сутуллуу түбэлтэлэр’ тахсыбыта. Ыарыы муҥутуур көрдөрүүлэрэ 2022 сыл тохсунньу-олунньу ыйдарыгар бэлиэтэммитэ, икки ый устата ыарыыга 82 тыһыынчаттан тахса киһи (ыалдьааччылар уопсай ахсааннарыттан 45,6 %) сутуллубута. Кэнники үс ый устата өрөспүүбүлүкэҕэ ыарыы таһыма күүскэ намтаабыта бэлиэтэнэр.

Ол да буоллар, Роспотребнадзор ыарыыттан быһыынан харыстаныы оруннааҕын санатар, быһыыны ылан баран, сыл аҥаарынан ревакцинацияны ааһар туһалааҕын туһунан этэр. Ыарыы тарҕаныыта кэнники хайдах буоларыттан сылыктаан санитарнай быраас саҥа уурааҕы таһаарыан сөп. 2022 сыл бэс ыйыгар вакциналаммыт дьон ахсаана өрөспүүбүлүкэҕэ 87,7 % тэҥнэспит. Ревакцинацияны улахан дьон 81 % ааспыт.

 

6
3
Telegram @edersaas20