Вакциналаах дьон успуорт эбийиэктэригэр сылдьыахтара

Бөлөххө киир:

Саха сирин успуорка уопсастыбаннаһа вакцина уонна ревакцинация ылыыга ыҥырар.
Коронавирус дьаҥынан сибээстээн успуорка сыһыаннаах тэрээһиннэр уонна 18-гар диэри саастаахтар бэлэмнэниилэрэ тохтоон турар. Ону сэргэ успуорт уонна физическэй култуура министиэристибэтин иһинэн үлэлиир тэрилтэлэргэ төлөбүрдээх өҥөлөр эмиэ тохтотуллубуттара.
Билиҥҥи туругунан үөрэнээччилэргэ аналлаах бары успуорт тэрээһиннэр, ону сэргэ Н.Н.Тарскай кэриэһигэр ыытыллыахтаах буоксаҕа бастыыр иһин уонна А.Н.Филиппов бирииһигэр күрэс, чэпчэки атлетикаҕа ыытыллыахтаах тэрээһиннэрбит саҥа дьаһал тахсыар диэри тохтоотулар, — диэн миниистир солбуйааччыта Александр Бугаев иһитиннэрэр.
Фитнес-кулууптар, тренажернай саалалар, бассейннар, успуорт саалалара, хайыһар баазата, сабыылаах манежтар, хаҥкылыыр катоктар, ГТО тутар кииннэр бүтэһик алта ый иһигэр вакциналаах эрэ дьоҥҥо эбэтэр коронавирус дьаҥынан ыалдьан баран үтүөрбүттэргэ ааннара аһаҕас. Киирии ааҥҥа QR көрдөрөр ирдэнэр.
Бары успуорт эбийиэктэрэ сылдьар дьон ахсааныттан 50% толору үлэлиэхтэрэ. Эбийиэктэргэ сылдьыы бары санитарнай ирдэбили тутуһууну ирдиир.

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0