Вакцинаттан аккаастаммыт учууталлары үлэлэриттэн ууратыахтара дуо?

Коронавирус дьаҥын утары вакцинаны ылартан аккаастаммыт учууталлары үлэлэриттэн ууратыахтара суоҕа диэн РФ Үөрэҕин министиэристибэтэ иһитиннэрэр.

Бу туһунан боппуруоһу ГосДуума айылҕа ресурсатыгар, бас билиигэ уонна сир сыһыаннаһыытыгар кэмититэтин салайар Николай Николаев көтөхпүтүн туһунан ТАСС суруйар.

Онуоха киниэхэ РФ Үөрэххэ министиэристибэтэ маннык хоруйдаабыт: «Үөрэх тэрилтэтин үлэһитэ коронавирус дьаҥын утары вакцинаттан, тест эбэтэр антитела туттарартан акаастаннаҕына үлэтиттэн ууратыллыаҕа диэн РФ Үлэтин кодексыгар суруллубатах».

Эрдэ РФ Үөрэҕин миниистирин бастакы солбуйааччы Дмитрий Глушко ТАСС-ка биэрбит интервьютугар оскуола үлэһиттэрэ коронавирус утары быһыыны баҕа өттүнэн ылыахтара диэн иһитиннэрбитэ.

edersaas.ru

Хаартыска — РБК.