Коронавируһу утары вакцина босхо дуо?
· - Олох-дьаһах

Коронавируһу утары вакцина босхо дуо?

Сэтинньи 26 күнүгэр СӨ бырабыыталыстыбатын бэрэссэдээтэлин солбуйааччы, өрөспүүбүлүкэтээҕи суһал ыстаап салайааччытын солбуйааччы Ольга Балабкина социальнай ситимнэринэн быһа эпииргэ тахсан, ыйытыыларга хоруйдаата.

Ыйытыы: Коронавируһу утары вакцина босхо буолуо дуо?

— Биллэн турар, босхо буолуоҕа. Михаил Мишустин коронавирус вакцинатын олоххо суолталаах эмтэр испииһэктэригэр киллэрэр туһунан ыйаахха илии баттаабыта. Оччотугар, судаарыстыба вакцина сыанатын хонтуруоллуур буолар.

Өрөспүүбүлүкэҕэ сыл аайы быһыы биэрэр халандаар анал хамыыһыйанан бигэргэнэр. Онно араас ыарыылартан быһыылар бааллар. Коронавирустан вакцина бу халандаарга киириэ диэн этиэххэ сөп.

Ыйытыы: Спортивнай саалалары, сүүрэр сирдэри хаһан аһыаххытый?

— Успуорт миниистирэ саалалары, сүүрэр ирдэри аһыахха диэн этиилээх суһал ыстаапка хаста да тахса сылдьыбыта. Мин санаабар, арыйыахха наада, өскөтүн онно ыарыыга сыстыспат курдук үчүгэй усулуобуйа оҥоһулуннаҕына. Ол гынан баран, хас да түбэлтэ таҕыста, спортивнай тэрилтэлэргэ дьон сыстыһан ыарыйда. Онон сарсын успуорт миниистирин быһаарыытын күүтэбит.

Бассейннар үлэлии тураллар. Ол гынан баран, чааһынан хааччахтааһыннаах, сүрүннээн спортивнай оскуолалар секцияларыгар дьарыктанар оҕолор сылдьаллар.

Бары өйдүүбүт, пандемия барыбыт олохпут укулаатын уларытта. Урукку курдук доҕоттордуун көрсүһэн кэпсэтиэххитин, бырааһынньыктарга, киинэҕэ, кэнсиэркэ сылдьан аралдьыйыаххытын, спордунан дьарыктаныаххытын баҕараҕыт. Ол гынан баран, бэйэҥ уонна чугас дьонуҥ доруобуйаларын туһугар тулуйуохха сөп буолбатах дуо?. Бэйэни харыстанар, миэрэлэри тутуһар эрэ буоллахха, ыарыыга сыстыбаккыт. Бу хас биирдии киһи эппиэтинэһиттэн тутулуктаах.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

семнадцать − 11 =